TvQuran

٢٠٠٧-٠٥-٣١

ذكريات عبرالزمن

بعد عناء يوم آخر طويل ، تقف أمام مرآتها يطالعها ذلك الوجه الشاحب الذي يشبه وجوه الموتي ، هذا الوجه الذي تري فيه تفاصيل حياتها الماضية ، تري بين جنباته ما مرت به طوال عمرها ..ألم ..أمل...حزن ....فرح ...حب ...قهر ...وحده ... مشاعر متناقضه ....جميعها تسير بها من الماضي الى الحاضر والمستقبل
بعد رحلتها الطويله في الحياة ....تشعر أنها وحيده.... الدنيا بعينيها ظلام ....تشعر أنها كالمنبوذه ......بحثت في ذاكرتها عما إرتكبت من أخطاء فلم تجد ....ماذا فعلت ليتجنبها البشر ..؟؟؟؟
إنه شئ يولد الإحساس بالقهر و الألم
كانت تعتقد أنها إنسانه لها الحق في الحياه كغيرها من البشر ، تحيا حياة طبيعية ، تمتلك من الأهل والأحباب والأصحاب من يؤنس وحدتها ويخفف عنها وطأة الأيام ... من
يقاسمها الألم والحزن ، الفرح والأبتسام ، أشخاص تمنحهم الثقة .. تشعر أنهم يستحقون مكانا في قلبها لتمنحهم إياه .... ولكنها لم تجد !!!!!!
كانت كلما غمرتهم بأحاسيسها الصادقه ، أعلنوا رحيلهم بلا سبب وبدون موعد، عنف الأحباب معها اغتال قلبها ، غير بها شئ ما ، قسوة البشر معها علمتها كافة فنون القهر
الحرمان يقتلها ...حرمان
من الحنان ..من العطف والإهتمام ..من السعادة والشعور بالأمان ..
نمي الحزن بداخلها حتي
أصبح صديق دائم لا يفارقها .... من أحبتهم وأعطتهم قلبها قتلوا إحساسها الجميل تجاههم بلا مقدمات ، بدلوا ثقتها بالخذلان
لم تستطيع أن تفعل شئ سوي أن تقف مكتوفة الأيدي واجمة العينين ..تتأمل فيما حدث ، تتأمل الحياة وقسوتها ، تلوم نفسها اولا ولا تعرف من تلوم ثانيا؟؟؟
تبقي صورة الحزن أمامها دائما، فهو الرفيق الذي لم يتخلي عنها أبدا ، كان معها منذ الصغر ، نمي وكبر في قلبها حتي اثمر...أثمر اليأس من كل شئ

آاااااه ....كم تمنت أن تجد من يزيل عنها هم الأيام وضيم القهر والأحقاد ، من يأخذها تحت جناحيه ويخفيها عن أعين الحساد ، وظلم الأوغاد... من يشعرها بالأمان و تنسي بين يديه الأحزان.....من تنهل معه من ينابيع السعاده و تتذكر معه إنها أنثي .....ولكنها للأسف لم تجد !!!!
مات الفرح في قلبها ومات الأمل وبقيت الذكريات عبر الزمن



37 comments:

Alaa يقول...

الكلمات مؤثرة جدا و في أماكنها الصحيحة
لكن لي تعليقين
أولهما تساؤل
أليس من حقنا أن نعرف .. لماذا تركها الأحباب و الأقربون .. هل عن عيب منها أم جفاءاً منهم
تلوم نفسها أولاً .. بحق أم من غير حق ؟

الثاني: كلماتك الأخيرة قوية جدا
"آاااااه ....كم تمنت أن تجد من يزيل عنها هم الأيام وضيم القهر والأحقاد ، من يأخذها تحت جناحيه ويخفيها عن أعين الحساد ، وظلم الأوغاد... من يشعرها بالأمان و تنسي بين يديه الأحزان.....من تنهل معه من ينابيع السعاده و تتذكر معه إنها أنثي "

عندما يجفو الاهل في علاقتهم مع بنتهم
فهذا بالظبط هو ما يدعوها للتوجه للحب الحرام مع شخص يحتويها يحس بآلامها و شيطانها يمثله لها على أنه المنقذ .. مع أنه سائقها إلى النار

ربنا يباركلك
مبدعة بجد .. و متميزة جدا

.:.-=- ELGaZaLy-=-.:. يقول...

الصور جميلة اوى

وعجبتنى اوى الجزئية دى

آاااااه ....كم تمنت أن تجد من يزيل عنها هم الأيام وضيم القهر والأحقاد ، من يأخذها تحت جناحيه ويخفيها عن أعين الحساد ، وظلم الأوغاد... من يشعرها بالأمان و تنسي بين يديه الأحزان.....من تنهل معه من ينابيع السعاده و تتذكر معه إنها أنثي .....ولكنها للأسف لم تجد !!!!
مات الفرح في قلبها ومات الأمل وبقيت الذكريات عبر الزمن
-------------------------------

عجبتنى بجد اوى حلوة وموثرة بجد

بس هيا اكيد مدورتش

او محاولتش تتدور للاخر

الانسان هوا الى بيطوع الظروف ...



وهوا الى بينجح برغم اى شئ

تحياتى

عصفور المدينة يقول...

كنا عايزين علاج على طريقة لبوست السابق

ثانيا
هل دي نفس الشخصية اللي في تدوينتك
حلم
؟
أنا ربطت الاتنين ببعض والقصة بقت أجمل هناك أحداث وهنا نفسية

يا مراكبي يقول...

موضوعك ده بيندرج تحت بند اللوحة المكتوبة .. مش القصة القصيرة .. لأن ما فيهاش أحداث إنما فيها توصيف لحالة

حلوة اللوحة كتير

وفيه حاجات كتيرة ما رسمتيهاش جوة اللوحة .. علشان كده طلعت غامضة .. وأنا حاسس إن إخفاء التفاصيل ده مقصود لأنه بيخلي كل متلقي يفهم الحالة أو يبص للوحة حسب خلفيته هو .. وحسب ماضيه هو .. وحسب ذكرياته عبر الزمن

mohand يقول...

السلام عليكم
الصورة مش عارف اقول عنها ايه
المود ده جديد عليكي
بس صدقيني
في وسط كم الاحزان اللي هي فيها دي
اكيد كان في حاجات فرحتها
حتي لو بسيطه
اوقات بنعيش عمرنا كله علي لحظات سعاده قصيره
واوقات بنعيش عمرنا برضه نفكر في احزانا
تحياتي
مهند المصري
وابقي ابعتيلي ايميلك علشان اعملك انفيت

mohand يقول...

اه صحيح
ايه رأيك في النيولوك بتاع الصوره ؟

أحمد سلامــة يقول...

أعود لأرفع رأسي ، تتسارع دقات قلبي ويزداد تدفق الدم في شراييني ، أطلق العنان لقدمي وأُحلق في الفضاء
--------------------------------
جريت وراكي وانا بقرا الجزء ده عشان اتابع
وحسيت اني بنهج
جميل التصوير ده
تحفة والله

محمد العدوي يقول...

الصورة جميلة ومساحة التفكير منسابة بتلقائية . وصف لحالة دون أن تحاول الاقتراب من دواخلها . تماما كأنها تصف حالة الصورة التي في المرآة لا حالة الشخص الذي يقف للمرآة .. لعله الخوف من التفاصيل ..


لكنها على هيئتها هذه جميلة . لغتها تجعلك تسير فيها إلة نهايتها لا توفقك مطبات لغوية أو تراكيب شاذة إلا بعض الكلمات التي سقط التنوين عنها خ"ا فيما أحسب .

وكل الود . .

vetrinary يقول...

مشكلتنا اننا بنتنكر من بشريتنا
بنحاول اننا نقنع نفسنا اننا مخلوقات سماويه بين قوسن ملايكه
لو ادركنا اننا بردو زينا زى اللى حوالينا
بنتخلى عن ناس من غير سبب
بنحب نفسنا اكتر من اللى حوالينا
بنجرح مشاعر ناس
المشكله هتتحل

كنت قريت فى مدونه لواحده
انها لما الواد بتاعها بعد سنيتن عشرة وكده
قالها انه مبقاش يحبها زى الاول
او مش عارف يحبها
ولازم يسيبها
افتكرت انها عملت نفس الموقف ده مع واحد قبل كده
قالتله انها مش قادرة تكمل معاه
وانها اكتشفت انه ولا حاجه فحياتها
افتكرت توسلاته ليها
فمرضتش تتوسل ليه
افتكرت ازاى كان بيلح عليها فى التلفون عشان يرجعلها
فمرفعتش سماعه التلفون عشان تكلمه
افتكرت انه كان بيفكرها بالايام اللى كانو فيها بيحبو بعض
فمرضتش تفكره بايامهم

افتكرت انها اد ايه كانت مشمئزه منه
من اصراره على انه ميضيعش العلاقه اللى بينهم

عيطت
حاولت ترجعله
بس
خلاص

أحمد سلامــة يقول...

سبحان الله
الواحد ساعات يحط كومن على بوست يطلع في بوست تاني خالص
:)
المهم انا دلوقتي بعلق على بوست :
ذكريات عبر الزمن
-----------------------------
اكتر ما عجبني فيه هو لمحة الغموض الخفية
بان مفيش احداث مفاجأة كدة تخلي الواحد يهز راسه في ذكاءمصطنع ويقول اه هي الدنيا كده والكلام ده
لا انتي تعاملتي مع الاحساس الرهيب بالوحسة والالم ده كانه شعور عادي جدا وعودتينا عليه زي بطلة القصة بالظبط
وده ارتقاءادبي ممتاز احييكي عليه

Ma 3lina يقول...

فيها كمية شجن و حزن طالع من جوا اوى

وجعتنى القصة جدا حسيت انك فيها و هيا منك

الاسلوب رائع جدا و الكلمات معبرة جدا

ربنا يكرمك و يبارلك و يهدى النفوس

bastokka طهقانة يقول...

رقيقة قوي و مفعمة بالشجن

متحرمش منك

سندباد يقول...

كلنا هذا البوست

الطائر الحزين يقول...

السلام عليكم
نفسى اتعلم ونتعلم جميعا الا نحزن اوى او نفرح اوى حتى لا تكون صدمتنا كبيرة
لازم نكون وسط ولا نعطى الامر اكبر من حجمة
ونكون امة وسطا

خمسة فضفضة يقول...

السلام عليكم ورحمة الله وبركاته

علاء

شكرا
احنا هنا قدام شخصيه بتعرض هي وجهة نظرها وبس ، يعني بنبص عليها في المرايا زي ما هي بتبص علي نفسها ومن وجهة نظرها هي
لو عاوزين بقي نعرف راي التانيين ، يبقي محتاجين بوست تاني يعرض لنا وجهة نظرهم

ومش عارفه ليه حضرتك تصورت انها كانت تبحث عن الحب المحرم ، ليه ما جاش علي بالك انها ممكن تكون بتبحث عن زوج وحبيب ويحميها من الزمن ..؟؟؟

حسيت في جملتك الاخيره دي انها موجهه لاحدي الاسر السعوديه اللي بيسيبوا بناتهم مع السائقين لوحدهم ..صح ولا لأ ؟؟؟

خمسة فضفضة يقول...

السلام عليكم ورحمة الله وبركاته

الغزالي

شكرا علي ذوقك
الجزئيه دي برضو عجبت ناس كتير
---------------

يعني .....هي بس حست ان العمر اتسرق منها وهي بتدور ولسه ما وصلتش
ربنا يهديها ويهدينا للصواب

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور
تصدق فعلا احنا نقابل البطلتين مع بعض لعل وعسي الشخصيه الكتفائله تقدر تعمل حاجه ...هههه

-----
لا دي غير بتاعة حلم خالص
التانيه لسه في مقتبل العمر واحلامها اللي حلمتها طول فترة الطفوله و المراهقه اتكسرت منها علي صخرة الواقع ، وحبيبها خزلها لدرجة انه ماهمهوش انها تشتغل خدامه

اما دي فواحده في نهاية عمرها و بتبص علي كل عمرها اللي فات في المرايه وشايفه انه ضاع منها في البحث عن احباء واصدقاء وناس يبقوا حواليها بس مالاقيتش

خمسة فضفضة يقول...

السلام عليكم ورحمة الله وبركاته

باشمهندس احمد
دايما بحس ان حضرتك بتقدر ببراعه توصل للغرض من وراء كل الكلام

هو ده فعلا كان التخيل اللي في دماغي وانا باكتب البوست ده ان كل واحده يتخيل ايه اللي ممكن يكون حصل للشخصية دي في حياتها ، هل تزوجت وفشلت ، هل احبت وخانها الحبيب ، هل مات عنها الزوج،هل هجرها الاولاد،هل وهل وهل ..كل واحد يتخيل اللي هو عاوزه

شكرا وتحياتي لحضرتك

خمسة فضفضة يقول...

السلام عليكم ورحمة الله وبركاته

مهند

يمكن يكون عدي عليها ويمكن لا
سبت كل واحد يتخيل براحته
بس الارجح ان الاحزان في حياتها كانت اكثر

---------------

انفيت لايه ..؟؟؟؟
مدونة الاهلي

ان شاء الله ابعتهولك
-----------
مبروك علي الصوره الجديده
الوانها حلوه بس مش عارفه ليه حاسه انها لايقه اكثر علي مدونة مصريات وبس
حاول تشوف صوره تكون بتعبر عن الاثنين او عنك أنت شخصيا ، ولا صحيح ما انت بتاع سياحه بقي تبقي معبره .....ههههه

تحياتي

خمسة فضفضة يقول...

السلام عليكم ورحمةالله وبركاته

د/ احمد سلامة
ولا يهمك بتحصل في احسن العائلات

تعليق البوست اللي فات
هارد عليه هناك ان شاء الله
--------------------------

شكرا علي الكلام الكبير اوي ده
، دا انا ماجيش حاجه جنبك يا دكتر


تحياتي

خمسة فضفضة يقول...

السلام عليكم ورحمة الله وبركاته

د/ محمد العدوي

شكرا علي الكلام الجميل

هي بتبص علي نفسها في المرايه و احنا كمان بنبص معاها
من غير اي وصف ليها سيبينها بغموضها ،و كل واحد يتخيل شكل الصوره كانت عامله ازاي

بالنسبة للكلام ، مش بحب الكلكعه والكلمات الكبيره اللي مالهاش لازمه
اما التنوين مش عارفه تقصد اي كلمة بالظبط
هل تقصد جملة :
نمي الحزن بداخلها حتي أصبح صديق دائم لا يفارقها ...؟؟؟؟

تحياتي

خمسة فضفضة يقول...

السلام عليكم ورحمة الله وبركاته
vetrinary

صحيح فيه ناس كتير بتبقي عاوزه تعيش في دور الشهيد
بس الشخصيه اللي معانا غامضه ومش باين اذا كانت فعلا كده ولا لا
وهو ده اللي اقصده ان كل واحد يتخيل ما ضيها اللي ماكيتوش زي ما هو عاوز

تحياتي

خمسة فضفضة يقول...

السلام عليكم ورحمة الله وبركاته

د/ مرام
شكرا علي ذوقك
ربنا يكرمنا ويهدي نفوسنا اجمعين

mohand يقول...

السلام عليكم
انا لو شوفت صورة معبره عن شخصيتي
مش هلاقي
ماليش شبيه
ههههههههههههههه
مصر لو فيها اتنين مني كان زمان الشعب المصري هاجر هو والحكومة وكل الاحزاب


كيف حالك
انا بخير
ودلوقتي بقيت شغال في الاثار بس
:(:(:(:(:(
موظف يا دكتوره

AHMED SAMIR يقول...

كالعادة طبعا
بوست اكتر من روعة
تحياتي واحتراماتي

خمسة فضفضة يقول...

السلام عليكم ورحمة الله وبركاته

طهقانة
ربنا يخليكي وشكراعلي ذوقك

خمسة فضفضة يقول...

السلام عليكمورحمةالله وبركاته
سندباد
قصدت اني ما وضحش ملامح الشخصيه اكتر من كده علشان كل واحد يشوف الكلام بعينه الخاصه ويمكن يلاقي حاجه تكون موجوده فيه من قريب او بعيد


تحياتي

خمسة فضفضة يقول...

السلام عليكمورحمةالله وبركاته

الطائر الحزين

ياريت ...

ياريت كلنا نبقي امة وسط ،
بس للاسف مش كتير اللي يقدروا يسيطروا علي حالات حزنهم او فرحهم


تحياتي

خمسة فضفضة يقول...

السلام عليكمورحمة الله وبركاته
مهند
الحمد لله انك واحد وبس ..ههههه

طيب بما انك شغال في الآثار يبقي الصوره كده تحفة و معبره ميه ميه...ههههه

خمسة فضفضة يقول...

السلام عليكمورحمة الله وبركاته

د/احمد سمير

شكرا علي ذوقك
تحياتي

ياسر سليم يقول...

الله ينور

-_- يقول...

انا بس كنت عايز اقول ان الصورة اللى فوق دي روعة و فطستنى من الضحك


مدونتى فيها موضوع ريحته وحشة
اللى بيقرف ميدخلش عندي

:)))))))

خمسة فضفضة يقول...

السلام عليكم ورحمة الله وبركاته

ياسر سليم

شكرا علي ذوقك ...انت اللي نورتني

تحياتي

خمسة فضفضة يقول...

السلام عليكم ورحمة الله وبركاته

د/ احمد ( شارم )

ربنا يخليك ، انا اوصلهالك لحد باب مدونتك.....هههه


نورتني

حسن ارابيسك يقول...

الحقيقة بوست ذكريات عبر الزمن
يستحق كل التقدير والاحترام
فالكلمات رغم إنسيابها بكل ما تحمله من معاني إنسانية عميقة جداً إلا أنها تخترق البعد الثالث في اعماقنا دون إستئذان ومع ذلك تلقى كل الترحيب وكأنها قصيدة شعرية يتلاقى فيها كل شطر مع شطره الأخر يحتضنه ليعمق المعنى والتجربة الإنسانية فتُذكرنا بأدميتنا التي نحن عليها والتي ننسى الكثير من معانيها في خضم معترك الحياة الصاخب والمزعج والمزدحم لتزيل تلك الغشاوة التي على أعيننا لنرى الشط الأخر وليرى كل منا الشط الأخر بطريقته المهم أن نحاول العبور والوصول إليه ولا نتركه هكذا مهجوراً وحيداً يحتاج حتى ولو ليد واحدة تزرع في تربته زهرة صغيرة هي كفيلة بان تزيح عنه كل رماديات تلك الحياة من على شاطئه المهجور
شكرا على البوست الرائع ده
عشان بصراحه خرجنا من الصيدلية اللي انتي واخدانا فيها رايح جاي في معظم البوستات
أتمنى تشريفك في مدونتي أنا عامل حفلة صغيرة على الضيق كده
مفيش داعي تجيبي أي حاجه معاكي
كفاية تشريفك ووجودك هاينورنا

المـــفـــــــقــــــــوعـــــة مــرارتـهــا يقول...

اصعب مافي الكون الوحدة ربنا مايورينا

المـــفـــــــقــــــــوعـــــة مــرارتـهــا يقول...

انا قلت أتأخرتي علي زيارتي قلت آجي أعزمك عندي انا نزلت بوست جديد
ماعلش جننتك معايا بس المرة دي جد
ماتزعليش مني
بس كنت بأكتب موضوعات جديدة وكانت فيها مشكلة في التسييف فكنت بنشرها وبعدين أحفظها درافت

القرآن الكريم