TvQuran

٢٠٠٧-٠٤-٢١

من اجل مدونات نظيفة ....2


متشكره ليكم اوي اوي اوي ، ومش قادره اوصفلكم اد ايه سعادتي بالاستجابه السريعه دي لاقتراحي ، وان شاء الله اللي احنا بنعمله ده يكون نواه لحمله كبيره اوي واسعه بين المدونين ، ويكون بدايه لتجمع كبير اوي من كل المدونين النضاف اللي ما يرضيهمش كل الاسفاف والبذائات اللي بقت موجوده فكل حته ، وان شاء الله نجني ثماره في اقرب وقت

و بناء علي اقتراح من عصفور المدينة اننا نحط كمان كلمة او جمله افتتاحيه لكل المدونات النظيفه واللي يحب اصحابها انهم يدونوا بنظافه ، بحيث انها تظهر خلال البحث علي اي محرك مثلا جوجل

لذلك ياريت ياجماعه نبدأ نقترح الجمله او الكلمه دي ، وان شاء الله اي حاجه هانستقر عليها نحطها في واجهة المدونه

كل اللي يحب يشاركنا ياريت يحط اقتراحه للجمله دي في كومنت

وشكرا ليكم علي اهتمامكم الجميل اوي ده


32 comments:

ma 3lina يقول...

اقترح إنه يكون نفس عنوان الحملة .. يعني مثلاً ممكن يكون ..

مدونتي نظيفة

الوافي يقول...

اضم صوتي لصوت ما علين .... او تدوين نظيف

المهم يكون بنفس عنوان الحملة عشان ما نتوهش كثير في اختيار الجملة مع انها مهمة لان الغرض والهدف هو الاهم

اشكركم يا مجتمع التدوين النظيف و الان فقط الواحد بقى بيتشرف انه ينتمي لمجتمع المدونين لان في الاول كان كل اللي ظاهر على السطح مجموعة من البذيئي اللسان وعديمي الاخلاق واكثر حاجة استفزتني ان احدهم مش عارف مين اطلق عليه لقب شيخ المدونين ..... طب اشمعنى كلمة شيخ اللي بترمز للطهارة والتقوى ومخافة الله ...... وكمان لكل المدونين ....شيء استفزني فعلاً

بس الان إتأكدت ان مجتمع المدونين فيه كثييييييير ناس محترمين ويفخر الانسان ان يكون وسطيهم

من اجل مدونات نظيفة
تدوين نظيف
مدونتي نظيفة
قل خيراً او فاصمت
الكلمة الطيبة صدقة
وما من كاتباً الا سيفنى .... ويبقي الدهرُ ما كتبت يداهُ

تحياتي وسلامي للجميع

Lion king يقول...

خمسة فضفضة
السلام عليكم
اولا احب ابدي اعجابي الشديد بالفكرة وبجد اصبتي فيها ماشاء الله
انا عرفت الموضوع عن طريق الاخت صرصارة
ولي الشرف ان اشارك بعمل شعار للحمله
انا اصلا مصمم جرافيك وعندي ملحوظة بسيطة او ممكن يكون اقتراح
ما رأيك لو كان الشعار مدونون انقياء
والهدف التدوين النظيف
وتحياتي ليكي جدا جداجد
ماشاء الله

Bossy يقول...

اذا لم تكن كاتبا تفيد غيرك
فكن قارئا تفيد نفسك

Dr.khaled يقول...

أختنا الفاضلة الدكتورة فضفة
تفضلي بالدخول هنا
وستجدي بانر-اي كلام- صنعته بايدي.وانا طبعا غير متخصص لكن اهي محاولة
والله المستعان
هنا
muslimdoctor.blogspot.com
في اعلى المدونة على اليمين
او هنا
http://www.m5zn.com/uploads/b6fa80f872.gif
اذا اعجبك البانر...فقومي بوضعه في مدونتك
لكن المشكلة اللي قابلتني هو ان كل لما اضيف الرابط بتاع الصورة...
لازم تظهر صورتين في المدونة
والله المستعان

حتى وان لم يكن البانر جيدا فهو مجرد بداية..لفكرتك
جزاك الله عليها خيرا
واسال الله ان يثيبك عليها

Lion king يقول...

خمسة فضفضة
اتفضلي عندي هتلاقي اللوجو موجود والبوست والكلمة الافتتاحيه
www.zizome.blogspot.com
تحياتي

عصفور المدينة يقول...

جزاك الله خيرا على إيلاء الاهتمام والتنويه على اقتراحي
واتماما لرغبتك أنا اخترت لنفسي من زمان للمدونات اللي باعلن عنها عندي عنوان
مدونات صديقة للبيئة
أي نعم أنا مقصر في اضافة الكثيرين ولكن هنا اقترح استخدام هذا الشعار
او مثلا زي ما الأمريكان بيسموها
safe
ممكن نقول مدونات آمنة
ولي اقتراح أيضا هام وهو أن هذه الحملة لا ينبغي أن تكون رد فعلا لا احنا نضاف لأن النظافة من الإيمان مش عشان نفضح الناس التانيين
دي رسالتنا مش عشان هم موجودين ومشوهين الجو احنا عاملين الحملة عشان نحاربهم احنا عاملين الحملة زي ما قال الأخ الوافي عشان تظهر الصورة الحقيقية ان فيه مدونين كثيييييير محترمين
وان اللي عايز يقرا مدونات ممكن يلاقي كلام طاهر وان فيه نفوس نقية بتطلع كلام نقي والتعبير عن النسبة الحقيقية للخبث بالنسبة للطيب
جزاك الله خيرا

عصفور المدينة يقول...

وعلى فكرة انا كنت بادون في ملفات نصية وصوتية ومفكرة من زمان ولما حصل موضوع التحرش المزعوم في العيد انتبهت لكم الخبث الموجود في المدونات فقررت انشاء مدونة منذ ذلك الحين رغم إن وقتي لا يسمح كثيرا ولكن احتسب في ذلك لنفس الغرض الذي أشار الوافي إليه
ولذلك أشدد على الأخوة اصحاب المدونات صديقة للبيئة ألا أرى أحدا منهم ينسحب من مجال التدوين وأن يحتسبوا في ذلك

Nothing To Lose يقول...

السلام عليكم
يااااااادكتور انا مش عارفه احط الشعار
واااااااااااااااااء
بجد هموت ومش عارفه اعمله ازاى
انا ومهند امبارح حاولنا بس انا فشلت للاسف
الله المستعان هحاول تانى

بالنسبه بئا للجمله
اقتراحى بردوا زى الاولانى

ما يلفظ من قول الا لديه رقيب عتيد

دمتى بخير

أمــانــى يقول...

السلام عليكم
فكرة جيدة وممتازة بس احط اللوجو عندى ازاى اصلا بعيدة عنك اختك جاهلةفى التكنولوجيا
هذا اقتراحى
من فضلك لا تجرحنا بالفاظك
:D

BinO يقول...

أحم
السلام عليكم
هو أنا جيت متأخر أوي كده
:)
علي كل حال الناس قاموا بالواجب وزيادة

بس ممكن أضيف حاجة
الألوان لون كل واحد فينا , هو مين
ديه كانت حاجة أنا أتكلمت فيها قبلاً
طبعاً كلامك أختي في الله عن الحملة محمود جداً
ولكن المشكلة أن كل المشاركين والحمد لله مدوناتهم نضيفةعلي الأخر
الا من بعض الأغاني اللي بتنط أول ما الواحد يفتح بعض المدونات ربنا يتوب علينا وعلي أصحابها أجمعين
الحمد لله
المشكلة في المدونات الأخري المليئة بالبذائة
أزاي نقوم أصحابها
أو نلفظهم خارجنا
يعني الناس ديه مننا
بس في غفلة
طبعاً زي ما عامل أستاذ عصفور الجنة انا مش بأشير الي أي مدونة أشعر بها بأي بذائة أو تهييس في مدونتي من قريب أو بعيد زي ما أستاذ عصفور بيعمل
أنما تمييز المدونات كاكتابة "هذه المدونة نظيفة" عاملة زي واحد لابس تي شيرت مكتوب عليه" أنا بأستحمي كل يوم"
كل أناء بما فيه ينضح
علي كل حال جزاكم الله خيراً علي عمل المعروف والنهي عن المنكر
وهذا رأيي الشخصي البحت

BinO يقول...

الأية القرأنية

مايلفظ من قول الا لديه رقيب عتيد

في الشعار الأول تكفي بالغرض أن شاء الله
:)

عصفور المدينة يقول...

يا هندسة رجوعك إلى فكرة الشعار ده نعتبره تراجع عن موضوع التيشيرت :)
المقصد هو لما واحد يكون بيدور على مدونات للتواصل مثلا أو القراءة يعرف يلاقيها بسرعة عارف انا باعمل ايه
بادخل على التعليقات اشوف المدونة اقرا كام بوست وبعدين اكتشف انها مش لايقة علي اسيبها أو العكس ادمن عليها
وهكذا ولكن لو لقيت مثلا كلمة معينة ولتكن
مدونة الخنفشار
وكتبت في جوجل مدونة الخنفشار يجي لي مدونات الناس الذين ينتمون إلى الخنفشارية يبقى ده تسهيل إلا بقة بتوع المدونات البذيئة اكتشفوا كدة وحطوا الشعار الخنفشاري ويبقى في هذه الحالة أفضل حل هو اقتراح الآية الذي اقترحته هندستك

عصفور المدينة يقول...

الأخت الفاضلة صاحبة المدونة لا اقصد صورة البروفيل بتاعة حضرتك ولكن هناك كما قال مهندس بينو بعض المددونات يكون الصورة مخلة نسبيا أو يكون الافتتاحية فيها أغاني وفي الحقيقة الموضوع مش محتاج ذلك فالصور في كل مكان والأغاني موجودة ومتوفرة لمن يصر أن يسمع :(

AHMED SAMIR يقول...

ممكن يكون:
زيارتك تسرنا....وبذاءاتك تضرنا
او ممكن كمان:
اكتب زي مانت عايز...بس ياريت بنظافة
تحياتي ليكم

mohand يقول...

السلام عليكم
اشكرك اشكرك اشكرك واحييكي
وانا هتبرع باذن الله اني احط الكود بتاع الشعارين عندي في بوست النهارده وازاي نحطهم عندنا
دا اولا يعني
--------------------
اولا اقتراح الجمله اعتقد انها لو كانت كلمه تكون افضل لان جوجل لما بيبحث عن جمله مش بيجيبها صح علشان الاملاء وفروق الهمزات والتاء مربوطه ولا هاء وهكذا يعني
اقصد انها تكون كلمه او اتنين بالكتير لكن جمله هتكون صعبه شوية
-----------------
ثانيا يا ريت متكونش شعارات رنانه
لان الشعارات بقت تفقد مصدقيتها حاليا جدا
والناس مش هتقول دول بيعملو دعايه لنفسهم فقط
---------------
دا رأي الشخص ممكن اكون مصيب وممكن اوي اكون مخطئ
والله الموفق
مهند المصري

mohand يقول...

السلام عليكم
انا فشلت اني اعمل الاكواد في بوست بعد محاولات مضنيه بصراحه
وانا هحطهم في الشات بوكس بتاع الدكتوره فضفضه
اللي عايزهم ياخدهم من الشات بوكس

خمسة فضفضة يقول...

السلام عليكم ورحمة الله وبركاته

شكرا لكم جميعا علي التجاوب الجميل ده مع الفكره وافتراحاتكم الرائعه

واعتقد اننا جميع نستقر علي ان الكلمه يجب ان تحوي
مدونه نظيفة او تدوين نظيف

مره تانيه

شكرا لكم علي سرعة التجاوب

خمسة فضفضة يقول...

السلام عليكم ورحمة الله وبركاته

دكتور خالد
جميل البانر وان شاء الله ها حطه هنا

---------------

الفنان احمد

اللوجواللي حضرتك عامله جميل جدا وده مش غريب علي حضرتك بصراحه رحت مدونتك انبهرت من الجمال اللي هناك
بس بعد اذنك لي ملاحظه صغيره
ياريت يبقي اللوجو مجرد الصوره اللي فوق وبس وبلاش الكلام الكتير اللي تحتها
وكمان بلاش اننا نرجع الفضل لحد بعينه
الفضل في نجاح الحمله دي ها يكون لكل الناس اللي هايشاركوا فيها ان شاء الله

وعلشان كمان ماحدش يقول اننا بنعمل كده كدعايه لحد

ياريت بقي حضرتك تحاول تعمل التعديلات دي وان شاء الله نستخدم اللوجو ضمن الحمله
وشكرا مره تانيه ليك

خمسة فضفضة يقول...

السلام عليكم ورحمة الله وبركاته

عصفور المدينه

ايوه صح احنا مش موجهين الحمله ضد حد بعينه ، لا دي حمله ضد البذائات بوجه عام
يعني انا مش بقول انا ضد مدونة فلان ولافلانه
لا دي مجرد دعوه لتنظيف المدونات من كل البذائات
والغرض منها اظهار ان بالرغم من ان فيه ناس كتير بقت بذيئه ، لسه برضو في ناس اكتر بكتير كويسين


----------------

بينو

لا بالشعار ده مش بنعلن اننا بنستحمي كل يوم
احنا بنعلن رفضنا للي حاصل واننا ضد ان اي حد يلوث لنا عيونا واذانا بكلامه البذئ
بنعلن له رفضنا علي كل اللي بيعمله ، وبنعلن عن وجود ناس لسا عندها شئ من نظافة الكلمه والمضمون والهدف

واعتقد ان من حقنا اننا نقول ..لا ....يوجد من لا يرضيه الامر الموجود


و الكلمة الافتتاحيه زي ما عصفور المدينه قال الهدف منها التمميز عبر محركات البحث مش اكتر ولا اقل
ان شاء الله الكلام ده يجد صدي عند ناس كتير
شكراعلي تجاوبكم

خمسة فضفضة يقول...

السلام عليكم ورحمة الله وبركاته

نوثنج تو لوز ، اماني

مش عارفهخ اضيف الكود في بوست
كل ما احطه يتحول للصوره

علشان كده زي ما مهند اقترح انا ها حطه في الشات بوكس كحل مؤقت لحد ما نقدر نحطه في بوست

شكرا لكما

خمسة فضفضة يقول...

السلام عليكمورحمة الله وبركاته


مهند

شكرا علي تعبك معانا
وعندك حق ياريت تتلخص الكلمات في واحده او اتنين بس مش اكتر

šσяšαяαα يقول...

السلام عليكم

ايييييه الجمال دا والله انا سعيده جدا بكل الحماس دا

اولا شكرااا كتير فضفوضه على اللوجو وتسلميلى يارب

ثانيا انا عملت بوست حطيت فيه اكواد اللوجوهات لكللل اللى عاوزهم

واتمنى بكدا تكون اتحلت مشكله الاكواد

BinO يقول...

فضفضة
يعلم الله أني لم أرد التقليل من شأن مجهودكم
المشكلة أني وجدت أناس بدأوا في وضع اللوجو
وفي نفس الوقت وجدتهم يضعون وصلات لمدونات لا تتحدث الا بالبذاءت
أنا همي أن التغيير يبقي حقيقي لأنفسنا
طبعاً الواجهة و التأثير النفسي لها شئ مهم جداً ومؤثر وانا أؤمن أن المعركة تبدأ بالناحية الأعلامية
ولكن ينبغي أن لا نهمل أنفسنا

{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11

أنا ممكن أكون أسأت في أختيار الكلمات ولكن كان هذا رأيي الشخصي
وأعانكم الله علي فعل الخير

Lion king يقول...

خمسة فضفضة
هتلاقي الكود عندي في المدونه
zizome.blogspot.com
تحياتي

Lion king يقول...

خمسة فضفضة دا اللوجو على خلفيه شفافة
www.zizome2.blogspot.com

سكتم بكتم يقول...

خير الكلام ما غلا ثمنه وسهل حمله في الدماغ

وأظن جملة "مدونتي نظيفة" سهلة وبسيطة وتحمل دلالة أكيدة

بالحق عايزك تقرأي أخر أخر بلوجين عندي والمرة دة أنا مصمم أعرف رأيك لأنة فعلا يهمني

sakayar يقول...

أنا معاكم إن شاء الله ... بحييكم على أفكاركم ... وبقترح ... بعد إذنكم طبعا ... يكون نفس عنوان الهدف بتاعنا ... مداونتي نظيفة

خمسة فضفضة يقول...

السلام عليكم ورحمة الله وبركاته

صرصاره

العفو يا حبيبتي وشكرا علي تعبك معانا

وان شاء الله كل الناس تستفيد بالاكواد اللي عملتيهم

-----------------
بينو

لا انا مازعلتش ولا حاجه ، كمان احنا بنناقش الفكره وكل واحد لازم يقول رايه وبالتالي نوصل لاجمل واحسن تنفيذ للفكره وبالتالي نقدر اننا نجني اكبر فايده من وراها
وطبعا لازم نكون احنا من جوانا مقتنعين بكده ومطبقين ده علي نفسنا من الاول
مش مجرد كلام وخلاص ولا عاوزين اللي يشاركوا معانا يكونوا مجرد ناس عاوزه تزود عددالشعارات الموجوده في مدوناتها وخلاص
شكراعلي حرصك علينا وعلي رغبتك في الوصول لاحسن شئ
واخيرا لا خلاف علفي كلام المولي عز وجل
لازم نغير نفسناالاول علشان ربنا يغير اللي فينا وبنشتكي منه

وان شاء الله احسب الاخوه الجادين المشاركين معنا علي خير واحسبهم جميعا باذن الله قادرين علي المواصله ، احسبهم كذلك ولا اذكيهم علي الله
وطول ما نبغي من وراء عملنا الخير ان شاء الله ربنا هايكون واقف معانا

شكرا لحضرتك
--------------------


الفنان احمد عبد العزيز

مش عارفه والله اشكر سيادتك ازاي علي مجهودك الرائع وان شاء الله ها حط اللوجوهات جميعها في بوست واحد واللي وكل شخص يختار اللي يعجبه منهم

شكرا علي تعبك وجعله الله في ميزان حسناتك

-----------------------
SAKAyAR
اهلا وسهلا
طبعا نرحب بحضرتك معانا ، وشكرا علي تجاوبك مع الفكره



تحياتي لكم جميعا

خمسة فضفضة يقول...

السلام عليكمورحمة الله وبركاته

سكتم بكتم

شكرا علي اشتراكك الجاد معنا

واكيد خير الكلام ما غلا ثمنه وسهل حمله في الدماغ

ان شاء الله اقرأ البوستين واقولك رايي
معلش انا عارفه اني مقصره في حقك


شكرا لك وتقبل تحياتي

mahéva يقول...

أحسن حاجة تروحوا تدوروا على فتوى بأن المدونات حرام و بكدة حنحصل على مدونات نظيفة خالص

خمسة فضفضة يقول...

السلام عليكم ورحمة الله وبركاته

mahéva

شكرا علي ذوقك

للاسف دائما اي شئ ناجح كثيرا ما يجد من يحاولون التقليل من شأنه

القرآن الكريم