TvQuran

٢٠١٠-٠٥-٠٤

أمل



امل ......بنوته حلوه صغيره زي العسل ، ضحكتها مالية وشها ومنوره ولا القمر من بدري تروح علي مدرستها ويا كتابها وكراستها والقلم.......شاطره امل متفوقه وهي اول فصلها

سالتها نفسك في ايه لو تكبري ..؟؟؟

قالت في ناس كتير متألمين نفسي الاقيلهم دوا يشفي الامهم كلها

بتحلم امل تكبر ويبقي عندها مكان كبير تعالج فيه كل البشر وتلاقي لاوجاعهم شفا......يارب حقق حلمها

خطوة بخطوة هاتكبري وبالعزيمة والعمل بكره اكيد راح تقدري

اهم حاجه مايموتش جواكي الامل

وفي يوم وهي في فصلها حست بدوخة جامده ورعشة ماليه جسمها

معاديتش حاسه بنفسها

اغمي عليها من التعب

فتره طويله وبعدها فاقت امل

اوضة كبيره لوحدها وسلوك كتير علي جسمها ، مامتها قاعده جمبها ، ودموعها ماليه خدها

في ايه حصل الف سلامه علي امل ..؟؟؟

ماما عنيها مالياها الدموع وبتبصلي وكانها اول مره تشفني فعمرها ، وبابا واقف بعيد بنده عليه مش بيبصلي ،


ايام كتير عدت عليها وهي كده

خلاص هاتموت امل وهاتروح هناك لربنا

جالها مرض مافيش منه شفا

كان نفسها تكون دكتوره شاطره كويسه علي ايديها يكتب ربنا لكل عيان الشفا

سألت نفسي وصوتي مخنوق بالدموع

ياتري مين السبب ...؟؟؟؟

مين اللي حط فاكلنا وشربنا وحتي الهوا حاجات كتير تجيب امراض مافيش منها شفا ولا ليها اي دوا ...؟؟؟؟؟؟

من وحي قصه حقيقية
14/5/2007

8 comments:

أنا - الريس يقول...

اقسم بالله العظيم .. انا جسمي قشعر قبل ما اعرف انها من قصة واقعية .. الكلمات رائعة .. وربنا يخفف عن امل ويصبر اهلها ويدي اهلها الأمل ..

المشاعر المحطوطة في الكلمات جعلتها رااااااااائعة ,, ربنا يرحمك يا أمل وابشرك ان لسه فيه أمل

محمد عبد الغفار يقول...

نفدت بجلدها

الميكروباص يقول...

ولله شوفي
مصر من أكثر بلاد العالم اصابه أمرا الكلى بسبب المياه
وبسبب التلوث احنا ولله الحمد معدلات مرض السرطان مرتفعه بشكل كبير جدا
يعني لو مجتش من المياه هاتيجي من الكل
وخلي بالك ان متوسط العمر هاينزل -او نزل بالفعل- شويه بشويه
والدليل عندي وانا لا أحدثك من فراغ
انا فيه كذا واحد من اصدقائي ماتوا خلال السنين اللي فاتت
منهم من توفى بالسرطان وكان زي الاسد ولم يشرب سيجاره واحده طول عمره
وفيهم اللي توفى من 10 سنين
وفيه واحد صديقي توفى من سنتين وكان عنده فيروس في الكبد محدش كان عارف سبب تليف الكبد ايه لأن كان عنده مرض غريب اول مره حد يشوفه
وكل الامراض الموجوده بسبب الاكل
وربك يستر على الجميع

غير معرف يقول...

أشعر بالحزن لكم ..
لكنني واثقة وموقنة ان التغيير يبدأ من الانسان وأنكم لا بد ستنعمون بسمتقبل اكثر جمالا

Atef Shahin يقول...

عشت هذة اللحظات مرات كثيرة بحكم عملي وكتبت مرة عنها في مدونتي تحت عنوان "رسالة لمن لا يشكر الله" خاطبت فيها الذين من الله عليهم بالصحة لكنهملا يشكرون النعمة
موضوع مهم رغم حزنه
تحياتي

سبهللة يقول...

بكيتنى يا فضفض
الله يسامحك

Me7'o يقول...

بوست محزن لأقصى درجة

حسبنا الله وهو نعم الوكيل

YOURS يقول...

ربنا يرحمها ويرحمنا من اللى إحنا فيه
أنا كمان جسمى قشعر وعيونى إتملت دموع بس الحمد لله على كل حال ربنا يزيح عنا الهموم ويرضى عنا

القرآن الكريم