TvQuran

٢٠١٠-٠٥-٢٨

StumbleUpon ... حاسب تقع





البداية كانت تويتيه من الباشمهندس احمد شوقير

StumbleUpon ده تحفة .. ممكن يخليك قدام النت 24 ساعة

الكلام اثار فضولي خلاني ابحث عن ايه ده الاستمبل اب اون ؟؟

واكتشفت اني متأخره جدا
في التعرف علي الموقع الرائع


الفكره كانت لطالب دراسات عليا كندي اسمه جاريت كامب
وانضم ليه 3 من زمايله طلبة الدراسات العليا في كالغاري بكندا سنة
2001 -
جيف سميث ، جوستين لافرانس، واريك بويند

مقابله لجاريت كامب في البي بي سي وا
لانتشار الكبير للموقع (
وصل عدد المشتركين وقتها لنصف مليون مشترك )
لفت انظار المستثمرين في ال Silicon Valley في سان فرانسيسكو و خلاهم يطلبوا من جرات نقل مقر الشركه لهناك

وفي سان فرانسيسكو انضم ليهم مجموعة من المساهمين (منهم شركتي جوجل وموزيلا ) بمجموع اسهم 1.2 مليون دولار
وبعد كده
سنة 2007
اشترت الموقع شركة eBay ب 75 مليون دولار
لحد أبريل 2009 اما جاريت كامب و جيف سميث وعدد من المستثمرين رجعوا اشتروه تاني

StumbleUpon حاليا شركة مستقلة مدعومه بعدد كبير من المستثمرين وليها مكاتب في
سان فرانسيسكو و نيويورك
( الحكاية دي مش بتفكركوا بحكاية الفيس بوك )

و ال
StumbleUpon - تعثر ب او اتكعبل في - عبارة عن مجمع علي الانترنت بيتيح للمستخدمين سواء المسجلين او غيرهم انهم يكتشفوا صفحات الانترنت المختلفه سواء للاخبار او الصور او الفيديوهات او اي حاجه تانيه ، يكتشفوها بالصدفه بمجرد ضغطة زر ، وكمان بيمكنهم من تقييم الصفحات دي
كل اللي عليك انك تدخل علي الموقع وتضغط علي زر ال
Stumble وتكتشف العوالم المختلفه للانترنت
الاسم بيدل فعلا علي فكره الموقع ـ لانك بتتكعبل في المواقع بدون ترتيب ، انت وحظك مع كل ضغطة زر هاتدخل موقع مختلف
الموقع بيتيح تنزيل توول بار بيسهل للمستخدمين استخدامه ، وبيتيح لهم تقييم المواقع دي ، وبالتالي حصر الاهتمامات المختلفه للمستخدم ولاصدقائه ومن خلالها وبعد فتره من الاستخدام بيكون فكره عن
اهتمامات الشخص ده ايه وبالتالي
بتتحدد نوعية المواقع اللي بتتفتح مع كل ضغطة زر
كمان بيتيح ليك انك تحصر اهتماماتك فحاجات معينه مثلا فن رياضه تاريخ سياسه ....الخ
التول بار له اصدارات مختلفه بتناسب كل متصفح
فيه للفاير فوكس وفيه للجوجل كروم والانترنت اكسبلورر ...الخ






عدد المشتركين حسب احصاء ابريل 2008 كانوا 5 مليون مشترك

بعدها بسنتين في 17 مايو 2010 وصل عدد المشتركين ل 10 مليون ، وحاليا بيسجل اعلي ترافيك في العالم اكتر من التويتر وال Reddit وال Digg
من سنة 2009 لحد دلوقتي معدل نمو الموقع زاد بنسبة 118%

5.4
بليون صفحه رشحها المستخدمين لحد ابريل
2009

فشهر مارس 2010 بس نص بليون صفحه تم ترشيحها من قبل المستخدمين

معدل ال
Stumble
للمستخدم الواحد في اليوم تقريبا 25 صفحه

مستخدمي توول بار الموقع في الفيرفوكس ممكن يوصل معدل ال
Stumble
للمستخدم منهم حوالي 400 مره في الشهر

وصل عدد الفانز علي الفيس بوك لاكتر من 100 الف فان

موقع فعلا رائع ممكن ياخدك من الدنيا لساعات طويله من غير ماتحس

طريقة التسجيل في الموقع سهله جدا
اضغط علي Sign up now ، اسمك - ايميلك - تاريخ ميلادك وبس

ولتحميل التوول بار برضو مجرد ضغطة علي
get the add - on
بعدها علي حسب المتصفح بتاعك بينزل التوول بار بخطوات بسيطه جدا مجرد ضغطة زر

موقع رائع فعلا واشكر الباشمهندس احمد انه عرفني عليه

انصحكم بتجربته بس احترسوا من الادمان :)




8 comments:

Arsenal Way يقول...



ليه بتعرفيني عليه .. مش كفاية الفيس بوك

D:

يلا هنجربه و أهو ادمان بإدمان

:)

خمسة فضفضة يقول...

اهلا يا مصطفي
بس ده مختلف تماما عن الفيس بوك

ده للناس اللي بتحب المفاجئات واستكشاف الجديد
اضغط علي زر وانت وحظك فكره مجنونه فعلا :))

منورني

Arsenal Way يقول...

ما دي المشكلة

كده انا هأدمنه اكتر من الفيس

انا ادمنته فعلا

قاعد الف فيه من الصبح و مواقع تشيلني و مواقع تحطني

:))

ولد تحت الصفر يقول...

أنا جربته و مسجل عليه ...و حمدت ربنا اني نسيت الباسوورد

في 15 دقيقة بس سجلت عندي 6 مواقع في المفضلة

اسمحيلي أبدي إعجابي بالموضوع
:)

أنا - الريس يقول...

شكله موقع جامد جدا ..
وميزته انك بتجرب حاجة جديد ..
مش عارف ايه اللي هيطلع ليك ..
تحياتي لكي

أنا - الريس يقول...
أزال المؤلف هذا التعليق.
ستيتة يقول...

نشكركم على الموضوع الجديد نوفي ليا ده
بس مش ها ادمنه ان شاء الله
لأني اساسا لا حبيت التويتر ولا الفيس بوك :)

محمد عبد الغفار يقول...

نجرب

القرآن الكريم