2010-05-22

قرنفل



القرنفل - زهرة الحياة- اعشق رائحتها ، شكلها، الوانها الجذابة ، و طعمها اللاذع مع كوب الشاي
احتفظ بإحداها بين صفحات كتابي


اعيش مشاعر متناقضة ، حياة بطعم القرنفل لاذعة حارقة رائحتها نفاذة منعشة

تقول الاسطورة القديمة أن الزهور لم تكن إلا صبايا قتلهن الحب فتحوّلن إلى زهور ، عندها كنت اتمني ان اكون زهرة قرنفل وردية علي ضفة نهر
يتلاعب بي النسيم تداعبني الفراشات وترويني قطرات الندي


9 comments:

يا مراكبي يقول...

متأكدة من معلومة ان الزهور كان أصلها فتيات دي؟

طيب والستات الأكبر منهم شوية اتحولوا لإيه؟

:-)

راجى يقول...

رمانسية ورقيقة

محمد عبد الغفار يقول...

احب ثمار القرنفل ولا احب زهورها وممكن يكون الأنسان زهره وهو انسان

خمسة فضفضة يقول...

مراكبي
الستات الاكبر مش بيتحولوا قاعدين علي قلوب الرجاله لطالون :)))

راجي
منورني

محمد
طيب بما انه كده تحب تكون زهرة ايه ؟؟

ستيتة حسب الله الحمش يقول...

جميل القرنفل
فكرتيني اني اعشق الياسمين
بقى لي كتير مااشتريتوش
حلو قوي الكلام اللاذع الحد اللي ريحته عبق نادي ده

ندى الياسمين يقول...

مين قال ندى ؟

انا اهو

بصي انا اموت فى الياسمين واحب القرنفل جدا

كانوا زمان العيال فى الاشاره يمشوا يبيعوا عقد ياسمين ويحطوا فيه وردتين قرنفل
الللللللللللله كنت باحبه اوووووي

كان بابا الى بيجبهولي او عمي الله يرحمه

لا على ما جه رضا كانوا بتوع الفل انقرضوا

دلوقتي بيبيعوا حاجه لونها ابيض بس مش ياسمين خالص ولا قرنفل خالص مالهومش معنى زي الدنيا دي بالظبط

عجبنى جدا جدا تشبيهاتك على زهرة القرنفل

انا باحسها كده وسط الياسمين قويه وحاده وواضحه وسط الياسمين الناعم الهادي الرقيق

البوست ده عجبنى اوي اوي بجد

موناليزا يقول...

رغم انى ماليش تقل خالص على رائحة القرنفل بس الزهرة الوحيدة اللى لسة محتفظة بيها الى الان
أصلها جاتلى يوم عيد الام من طفل كنت بتدرب فى حضانته ايام التربية العملى:)

اول مرة اعرف حكاية الاسطورة دى:)

alo2ah يقول...

بالنسبة للاساطير افردت مجلة العربي -الصادرة في الكويت - أحد أعداد مجلتها للحديث عن الورود والاساطير المتعلقة بها :)
أنا أكثر تعلقا بالياسمين العراقي .. وهي غير الياسمين البلدي بالمناسبة ..
وامم سؤال عجنب : شاي بالقرنفل ؟- :D يا ريت تقوليلي كيف ؟

alo2ah يقول...

بالنسبة للاساطير افردت مجلة العربي -الصادرة في الكويت - أحد أعداد مجلتها للحديث عن الورود والاساطير المتعلقة بها :)
أنا أكثر تعلقا بالياسمين العراقي .. وهي غير الياسمين البلدي بالمناسبة ..
وامم سؤال عجنب : شاي بالقرنفل ؟- :D يا ريت تقوليلي كيف ؟

القرآن الكريم