2010-05-10

عملية قلب مفتوح



ملحوظة : الموضوع ده تهييس فتهييس وانصحكوا ماتقروهوش

ماذا اصابك ياعزيزتي ؟

عليله انت ولا اعرف لذلك سبب ، اعتني بك دوما ،و احرص كل فتره ان تنالي حماما دافئا بالماء وبيكربونات الصوديوم
ثم انهي عملي بمسحه من محلول مطهر
فماذا حدث ؟؟


الاعراض كانت تنحصر في افرازا الكثير من المياه اسفل درج الخضار السفلي
لماذ كل هذه المياه ؟ ومن اين تأتي ؟

تم إستدعاء الصيانة علي وجه السرعة

جاء الفني المختص ، القي نظرة سريعة ثم قال بإقتضاب :
هناك شئ ما يسد انبوب تصريف الماء الموجود في الفريزر ؟؟
يجب علينا ان نعمل علي ازالته باقصي سرعة وإلا سيؤثر ذلك علي كفاءة التبريد بالجزء السفلي وربما تسبب في قطع التبريد نهائيا

بلا مبالاة اخرج من حقيبته سلك رفيع قرر ان يدسه قي فتحة بالخلف

تحملي يا حبيبتي ما هي الا حقنة صغيرة وتكوني بعدها علي احسن حال

انهي عمله في ثوان ثم قال :
تحت الملاحظه لمدة اسبوعان واذا حدث تسريب لابد من فتح وتسليك داخلي


يا إلهي !!

لا اريد ذلك لا اقو أن اراك مفتوحة القلب وهناك من يعبث باجزائك الداخلية

مر الاسبوعان ثم عاود التسريب

لا مفر اذا ، يجب اجراء اللازم

تم فصل الكهرباء، اخراج جميع المحتويات ، الارفف والادرج ، ثم بدأوا في عملهم البشع

اواه يا ثلاجتي العزيزة
عملية قلب مفتوح وبدون بنج تحملي يا حبيبتي،
كل شئ سيكون علي مايرام ، وانا هنا بجوارك لا تخافي ، إنهم متخصوصون في ذلك لن يصيبك اذي بإذن الله فتحلي بالصبر

فتحوا حقيبة الادوات ، اشياء كثيره لا اعرفها فقط مفكات ومسامير وبعض الاسلاك
ثم بدأوا في العمل قلبي يقطر دما وانا اري كل اجزاءك الداخليه قد حُلت

بعدها طلبوا كميه كبيره من المياة الساخنة وكميه من بيكربونات الصوديوم ، استمر العمل اكثر من ساعتين
و اخيرا انتهوا



مبروك يافندم تمت العمليه بنجاح وكل شئ اصبح علي مايرام
لن يحدث تسريب آخر باذن الله

الحمد لله


ثلاجتي العزيزة

يا من لا استطيع الاستغناء عنها صيف شتاء

الله لا يحرمنا منك ومن مياهك المثلجه ومكعبات ثلجك وعصائرك
وايس كريمك الشهي
وخضارك الطازج طوال العام

يامن تغنينا عن طوابير الخبز المملة وعن مشاوير السوق في ايام الصيف الحاره

جعلك الله عامره باللحوم والطيور والفاكهة

الله لا يحرمنى منك ..ولا ليله أبعدها عنك

:))


13 comments:

ولد تحت الصفر يقول...

لم أقرأه كما نصحتني لكنه - ومع ذلك - أعجبني بشده و ذكرني بمأساة أخرى .. مأساة بوتاجازي .. البوتاجاز الذي "ولع" الدنيا بسبب تسريب أيضاً في ماسورته الداخلية .. الآن أصبح معاقاً بسبب إهمال "الدكاترة" ..

تهييس تهييس يعني .. مش أي كلام

أسعدني مروري

و السلام

جنّي يقول...

السلام عليكم

كنت ها اسمع كلامك وماقرأش لكن قرأت وأمري لله ..

بس جميلة بجد

تحيتي

Hosam Morsi يقول...

تلاجة أكلنا .. وتلاجة شربنا
ربنا ما يوقفلك موتور .. ولا يتعبلك ثيرموستات
ويجعلك عمار فى بيت المحسنين
ونحفظ فيكى الأنسولين
وقطرة العنين

ستيتة حسب الله الحمش يقول...

وكأنك تحدثي حد تاني
اعترفي
بتكلمي مين غير التلاجة؟ :)

سبهللة يقول...

ههههههههههه
حمدا لله على سلامتها يا فضفض
وربنا ما يسؤك فيها ابدا يا حبيبتى
:-))

محمد عبد الغفار يقول...

شيخوخه

ali younes يقول...

اللي محيرني الثلاجة دي ماركتها اية ؟؟
طول الوقت عمال افكر ياترة يا هل ترة ماركتها ايه هتقولي وهي تفرق معي اقلك لا .. بس اهو حاجة تشغلني عشان انسي العملية الجرحية الاليمة دي

كمان اية موضوع ( سلك رفيع قرر ان يدسه قي فتحة بالخلف )
اول مرة اشوف حد يعمل كدة ههههههههههههه

مهندس
علي يونس

صاحب المضيفة يقول...

معلش
:):):):)

Haytham Alsayes يقول...

حلوة التهييسة دي بس
التلاجة دي استحملت يامة

تحياتي وارجو التواصل

حاجات جوايا يقول...

ههههههههههههههه
ربنا يخليهالك يارب ويخليلى تلاجتى حبيبتى
ده احنا من غيرهم ولا حاجة وناقصنا كام مليون حاجة ههههههههه

ندى الياسمين يقول...

طب ما تعتبرينى التلاجه بتاعتك طيب وطبطبي عليا كده

بس مافيناش من حقن

هههههههههههههههههه

بصي التلاجه ام فتحه دي زفته انا عارفاها
غيريها يا شيخه بلاش وجع قلب

باحرضك

خمسة فضفضة يقول...

السلام عليكم

برضو ماسمعتوش الكلام وقريتوا هههههههه خلاص القراءة مسؤلية كل قارئ :))

ولد تحت الصفر :

لا اراكم الله مكروه في بوتاجاز لديكم هههه



جني :
خلاص طالما قريت اتحمل النتايج هههههه
ميرسي علي زوقك

استاذ حسام :
منور البلوج سبوت كله

ويارب اللهم آمين ويخليها زخرا للعالمين ههههههه

ستيته :

برئ يابيه


سبهلله :
الله يسلمك
ويارب ماشوف فيها وحش ابدا :))

محمد :

والله ابدا دا لسه فعز شبابها ومكملتش 3 سنين :))


باشمهندس علي
ماركتها توشيبا مستورده
ومش عارفه ايه الفتحه دي اصلا بس هو دخل فيها سلك كده وقال فيه حاجه سداها



صاحب المضيفه

ولا عليه ههههههههه
منورني




هيثم :

اه حمالة اسيه :))



سالي :

ايوه من غيرها هاينقصنا كام مليون حاجه ربنا مايحرم حد من تلاجته يارب


ندي الياسمين
بقي بتقارني نفسك بالتلاجه

انت اغلي ميت مره منها غلاوتك عندي اكتر من غلاوة البوتاجاز هههههه



اغيرها ايه يابنتي اصلا انا لسه جيباها جديد
وفعلا الراجل قال ان العيب ده بيظهر عند كل الناس عاااااااااااااااااااا





منورني يا جماعه ربنا يخليكوا ليا ومايحرمنيش من تعليقاتكوا الجميله

alo2ah يقول...

:D :D

القرآن الكريم